1 - Quid Graeci Olympiae videre poterant? - Clarissimos ludos, quos Hercules Jovi instituerat, videre poterant.
 

 2 - In quo loco cantat hirundo? - In agris cantat agricolaeque jucundissima voce delectat.
 

 3 - Cujus pueri sagitta vicinus tuus periit?
 

 4 - Quod oppidum Caesar diu obsedit?
 

 5 - Cato, cum de re aliqua sententiam dicebat in senatu, addebat semper: "Patres conscripti, delete Cathaginem."
 

 6 - Expulsis regibus, fuerunt Romae duo consules, Junius Brutus et Tarquinius Collatinus, Lucretiae maritus. At libertatem modo partam, per dolum et proditionem Romani paene amiserunt. Erant in juventute Romana adolescentes aliquot, sodales Tarquiniorum. Hi accipere nocte in urbem reges cupiunt, ipsos Bruti consulis filios in societatem consilii assumpserunt. Sermonem eorum ex servis unus excepit: rem ad consules detulit. Scriptae ad Tarquinium litterae manifestum facinus fecerunt. Consules in vincula proditores conjecerunt, deinde damnaverunt. Stabant ad palum deligati juvenes nobilissimi, sed prae ceteris liberi consulis omnium in se oculos convertebant. Consules in sedem processere suam, missique lictores nudatos virgis caedunt, securique feriunt. Supplicii non spectator modo, sed etiam exactor erat Brutus, qui tunc patrem exuit atque consulem egit.
 

 
 Porsenna rex Etruscorum qui Tarquinios restituere volebant cum infesto exercitu Romam venit. Primo impetu Janiculum cepit. Numquam alias ante tantus terror Romanos incessit : ex agris in urbem demigrant; urbem ipsam sepiunt praesidiis. Alia urbis pars muris, alia Tiberi objecto, tuta erat. Sed jam hostes ad pontem Sublicium accedebant, cum Horatius Cocles, vir insigni virtute, eos transire prohibuit. Romani illud cognomen ei dederant, quod in alio proelio  oculum amiserat. Qui pro ponte stetit et et aciem hostium solus sustinuit. Acriter pugnans magna voce suis dixit: " Nolite pro me timere, delete pontem." Ipsa audacia obstupefecit hostes. Tandem, ponte rescisso, Horatius armatus in Tiberim se jecit et incolumis ad suos transnavit. Cives Romani, erga maximam virtutem grati fuerunt : dederunt Horatio quam ingentissimum agrum. Statuam quoque illius viri in foro posuerunt.